مرثية الشاعر عبدالمحسن بن عبدالعزيز بن محيسن في والده رحمة الله عليه
يادار وين اسمك ونورك وراعيك
اكتف نورك عقب راع المكاني
تبكيه جيرانه ويبكيه من فيك
واللي يعرفه من بعيدٍ وداني
وتبكيه بيبانك وتبكي حواميك
وكلٍ بكى من فقد ها المودماني
والله ملوم العين هلي عباريك
هلي دموعك ما خفيتيه باني
امنول أكنا عبرتي ومترجيك
واقول خَفي دمعتك لا تباني
ابغى اتجبر قدم من جا يعزيك
وأبغى الأجر من واحدٍ غير ثاني
لاشك انا محزون والحزن ماليك
مسموحةٍ لو أن دمعك كواني
مرحوم ياللي راح مناب ناسيك
عساك تسكن في نعيم الجناني
نعمٍ بأبو ناصر إلا مر طاريك
عند القصير وعند ضيف وعواني
نعم بدين الله عسى الله ينجيك
من نار ينجي من سعى بالحساني
مابين كاف ونون ينجيك واليك
آمين يا سامع بصوت الثواني
عسى ولي العرش من نهر يسقيك
أنهار جناته وتكتب جناني
آمين يا سامع دعا اللي يناجيك
وبحق ما باسطار سبع المثاني
انته وليه وهو عبدك وناصيك
وانت الذي تقرب لمن جاك عاني
وصلوا على المبعوث مافيه تشكيك
أشرف نبي بعث وافصح لساني