البارحة
البارحة مامسيت والبال محتاس
ودموع عيني مثل وبل الخِيالي
القلب مني راهفٍ منه الاحساس
قوّيت قلبي لكن الدمع سالي
أدير انا الافكار همٍّ وهوجاس
واكتم على العبرات من شٍ جرالي
الصاحب اللي قد صفا لي من الناس
ماشفت انا غيره حدٍ قد صفا لي
الصاحب اللي رفقته ترفع الراس
ماقط يومٍ بان منه الجفا لي
الصاحب اللي في الملا ماله أجناس
فيه الكرم والجود والإمتثالي
الله يفكه مالمنايا والاتعاس
يطول عمره يا هلي ويحيا لي
أكتوبر 5th, 2009 at 3:07 ص