بعد أن سافر(ابو عبدالرحمن) زوج الشاعرة وابنه ثامر للعلاج بمستشفى متخصص بالطب البديل بالهند  ، مكثوا هناك قرابة 45 يوم ،وعندما وصلها خبر عودتهم من الهند كتبت هذه القصيدة . 

يامرحبا باللي لفونا من الهند 

    ترحيبة المشتاق لي شاف خله

عد الجُزر واعداد من يسكن السند 

وجُزر الهوايا مع هل الصين كله

واعداد ما صفوا طوابيرها الجند

واعداد عسبان النخيل المظله

واكرر الترحاب واقول انا (اند)

يا مرحبا عِدة حروف المجله

واعداد ما هبت على ديارنا (الوند)

للي غلاهم خاطري ما يمله

ثامر وابوه اللي لهم فالحشا بند

بند رفيع ثابتٍ في محله

شهرٍ ونصفٍ يا فهد بأخضر (الاند)

من كثر شوقي كنه الدهر كله

يومٍ لفونا نورالدار يا هند

وعيني من الفرحه لدمعي تهله

باحضورهم اقول يالله لك الحمد

وأكون انا مسرور والبال فله